Gürcüstan, Tbilisi, 10 mart / Trend , müxbir N. Kirtsxaliya /
Ermənistanın "Armaviya" aviaşirkətinin Yerevan vasitəsilə Tbilisidən Moskvaya olan reyslərinin açılışı martın 14-nə nəzərdə tutulub. Bu barədə jurnalistlərə müsahibəsində Gürcüstanın "Airzena" aviaşirkətinin İctimai Əlaqələr üzrə Departamentinin rəhbəri Nino Qiorqobiani məlumat verib.
Tbilisidə müvafiq lisenziyaya malik alan Ermənistan şirkəti martın 10-dan etibarən reyslər həyata keçirəcək, bu barədə Gürcüstanın Nəqliyyat Departamentindən bildirilib.
"Armaviya" uçuşların vaxtının təxirə salınması ilə bağlı özü qərar verib. "Uçuşların vaxtının dəyişdirilməsinin səbəbi texniki məsələlərlə bağlıdır", - deyə Qiorqobiani qeyd edib. "Airzena" şirkəti sözügedən reys üzrə biletlərin satışını həyata keçirir.
Yerevan vasitəsilə Tbilisidən Moskvaya olan reyslər hər iki istiqamətdə həftədə iki dəfə həyata keçiriləcək.
Məqalə müəllifi ilə əlaqə ünvanı: [email protected]