Azərbaycan, Bakı, 14 mart / Trend , müxbir Ü.İsmayılova /
Fevralda Bakıda tikinti materiallarının orta qiyməti yanvara nisbətdə 3,3 faiz təşkil edib. Bu barədə "Əmlak Bazarı İştirakçıları" İctimai Birliyindən bildiriblər. Qiymətlər 2008-ci ilin analoji dövrünə nisbətdə 35,9 faiz düşüb.
İctimai Birlik fevralda 85 növdə 38 adda tikinti materialları üzrə monitorinq aparıb. Ay ərzində 51 növdə qiymət düşməsi, 31 növdə isə stabil qiymətlər müşahidə olunub.
Fevralda Azərbaycan istehsalı olan tikinti materilalarının bazarda payı 51,8 faiz təşkil edib ki, bu da qiymətlərin cüzi enməsinə təsir edib.
Fevralda şveller 5,4 faiz, dəmir laylar 9,7 faiz, şüşə 12 faiz, taxta 2,5 faiz, mismar 16,3 faiz, sink laylar 2,2 faiz ucuzlaşıb. Ötən ay laminat parketlər 6,5 faiz, kafel və metlax yapışdırıcıları 1,2 faiz bahalaşıb, qalan materialların qiyməti dəyişməyib.
Məqalə müəllifi ilə əlaqə ünvanı: [email protected]
