Azərbaycan, Bakı, 01 may / Trend , müxbir Ü.İsmayılova /
İyunda Ata Leasing şirkətnin Müşahidəçilər Şurasının növbəti toplantısı keçiriləcək. Bu barədə rəsmi mətbuatda məlumat verilib.
16 iyun tarixində keçiriləcək toplantıda şirkətin 2008-ci il ərzində maliyyə fəaliyyətinin yekunları müzakirə olunacaq. Eyni zamanda, şirkətin 2008-ci ilin yekunu üzrə idarəetmə hesabatı, Müşahidəçilər Şurasının hesabatı, mənfəət və gəlirlərin bölüşdürülməsi, şirkət balansının, mənfəətinin və ziyanlarının təsdiq edilməsi və s. bu kimi məsələlərin də müzakirəsi aparılacaq.
Ata Leasing AtaHoldinq və AtaBank şirkətləri tərəfindən təsis edilib. Bazarda 2004-cü ildən fəaliyyət göstərir. Şirkətin nizamnamə kapitalı 1 mln. manat təşkil edir. 2008-ci ilin yekunu üzrə Ata Leasing-in portfeli 1 mln. manat artaraq 3,5 mln. manata çatıb. İl ərzində portfel artımı 40 faiz təşkil edib.
Məqalə müəllifi ilə əlaqə ünvanı: [email protected]
