...

Azərbaycanın lizinq şirkəti səhmdarlarının yığıncağına hazırlaşır

Biznes və iqtisadiyyat xəbərləri Materials 13 May 2009 17:51

Trend-i buradan izləyin

Azərbaycan, Bakı, 13 may / Trend , müxbir Ü.İsmayılova /

Atalizinq şirkəti səhmdarlarının növbəti yığıncağı iyunun 16-da keçiriləcək. Bu barədə şirkətin çərşənbə günü yayılan məlumatında bildirilir.

Səhmdarların yığıncağı əsasən 2008-ci maliyyə ilinin yekunlarına həsr olunacaq.

Səhmdarlara Ata Leasing-in İdarə Heyəti və Müşahidə Şurasının 2008-ci ilin yekunları üzrə hesabatları təqdim olunacaq. Həmçinin mühasibat balanslarının, mənfəət və zərər hesablarının təsdiq edilməsi, mənfəət və zərərin bölüşdürülməsi gözlənilir.

2008-ci ildə Ata Leasing-in portfeli bir milyon manat artaraq 3,5 milyon manata çatıb. İl ərzində artım 40 faiz təşkil edib. Bu dövr ərzində şirkətin gəlirliliyi 39 faiz artıb və 945,7 min manat təşkil edib. Şirkətin mənfəəti 89 faiz artaraq 341 min manata çatıb. 2008-ci il ərzində şirkətin xalis mənfəəti 270 min manat təşkil edib.

"AtaHoldinq" ASC və "AtaBank" ASC tərəfindən təsis edilən lizinq şirkəti 2004-cü ildən fəaliyyət göstərir. Şirkətin nizamnamə kapitalı bir milyon manata bərabərdir.    

Mayın 13-nə olan rəsmi məzənnə 0,8034 AZN/USD təşkil edir.

Məqalə müəllifi ilə əlaqə ünvanı: [email protected]

Xəbər lenti

Xəbər lenti