...

Azərbaycanda Çin istehsalı olan oyuncaqların idxalına qadağa qoyula bilər

Biznes və iqtisadiyyat xəbərləri Materials 2 İyun 2009 17:42 (UTC +04:00)

Azərbaycan, Bakı, 02 iyun / Trend , müxbir Ü.İsmayılova /

Azərbaycanın Standartlaşdırma, Metrologiya və Patent üzrə Dövlət Komitəsi Çin istehsalı olan oyuncaqların satışı sahəsində monitorinqlər keçirir. Bu barədə komitənin başçısı Ramiz Həsənov bildirib.

"Hazırda monitorinqlər davam edir, yekunlar isə növbəti həftə elan olunacaq", - deyə Həsənov bildirib.  

Onun sözlərinə əsasən, laborotoriya şəraitində yoxlanılan bir neçə məhsul var ki, onların da nəticələrini almaq üçün müəyyən müddət lazımdır.

"Ciddi pozuntular aşkar edildiyi halda sağlamlığa zərərli olan məhsulların idxalına qadağa qoyulacaq", - deyə Həsənov bildirib.

2007-ci ilin yayında ABŞ-ın uşaq oyuncaqları istehsalı ilə məşğul olan (ən məşhur gəlincik "Barbi" ) ən böyük firmalarından biri Mattel Inc. Çindəki müəssisələrindən birində istehsal olunan 18,2 milyon oyuncağı ABŞ, Kanada, Böyük Britaniya və Meksika bazarlarından geri çəkdi. Bunun səbəbi kimi oyuncaqlarda istifadə edilmiş boyaların tərkibində qurğuşunun olması və onlarda maqnitin yerləşdirilməsi idi. Boyanı parlaq edən qurğuşun beyin xəstəliyinə səbəb ola bilər.

Məqalə müəllifi ilə əlaqə ünvanı: [email protected]

Xəbər lenti

Xəbər lenti