Azərbaycan, Bakı, 16 iyun / Trend , müxbir N.İsmayılova /
Yanvar-may aylarında Azərbaycanda sənaye istehsalının həcmi (məhsul istehsalı və sənaye xarekterli xidmətlərin göstərilməsi) 7,4 milyard manat təşkil edib ki, bu da ötən ilin analoji dövrü ilə müqayisədə 1,3 faiz azdır. Bu barədə çərşənbə axşamı Dövlət Statistika Komitəsindən bildirilib.
Hesabat dövrü ərzində çıxarma sənayesi istehsalının həcmi 2,7 faiz artaraq 5,21 milyard manat təşkil edib. Bu isə sənaye istehsalının 70,2 faizini təşkil edir. Emaledici sənayedə artım sürəti 7.5 faiz azalaraq 1,65 milyard manat təşkil edib. Elektroenergetika, qaz və su sektorunun payına isə 0,4 artımlaə 552,6 milyon manat düşür (7,5 faiz).
Neft hasilatında artım 2,3 faiz, qaz hasilatında 2,4 faiz, neft emalında isə 20,8 faiz təşkil edib.
Yanvar-may ayları ərzində özəl sektorun payı ümumi sənaye istehsalının 76 faizini (5,63 milyard manat) təşkil edib. Özəl sektorda artım 3,1 faiz, dövlət sənayesində isə 4 faiz azalma müşahidə edilib.
İyunun 16-na olan rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı: [email protected]