Azərbaycan, Bakı, 16 iyun / Trend , müxbir Ü.İsmayılova /
Azərbaycanda bütün tikinti şirkətlərinin işlərinin ümumi həcmi yanvar-mayda ötən ilin anoloji dövrünə nisbətdə 1,8 faiz artaraq 1071,4 milyon manata çatıb, çərşənbə axşamı Dövlət Statistika Komitəsindən bildiriblər.
Tikinti işlərinin ümumi həcmindən 723,2 milyon manat (67,5 faiz) ilkin işlər, rekonstruksiya və genişləndirmə, 207,6 milyon manat (19,4 faiz) əsaslı təmir işləri, 69,1 milyon manat (6,4 faiz) cari təmir işləri, 71,5 milyon manat (6,7 faiz) digər tikinti işlərinin payına düşüb.
Dövlət Komitəsinin məlumatlarına görə, yanvar-apreldə tikinti sektorunda çalışan işçilərin orta aylıq nominal əmək haqqı 449,4 manat, iri və orta tikinti şirkətlərdə əmək haqqı orta hesabla 495,1 manat təşkil edib.
Birinci rübdə iri və orta tikinti şirkətlərinin xərclərinin 59,3 faiz (282,3 milyon manat) tikinti materialları, 11,2 faiz (53,5 milyon manat) əmək haqqı, 1,3 faiz (5,9 milyon manat) əsas fondların amortizasiyası, 2,4 faiz (11,5 milyon manat) sosial ödənişlər və xərclər, 25,8 faizi (122,9 milyon manat) digər xərclərin payına düşüb.
İyunun 16-na olan rəsmi məzənnə 0,8039 AZN/USD təşkil edir.
Məqalə müəllifi ilə əlaqə ünvanı: [email protected]