Azərbaycana avtomobil idxalı azalıb
Azərbaycan, Bakı, 16 iyul / Trend /
Yanvar-may aylarında Azərbaycana təxminən 26,46 min minik avtomobili gətirilib ki, bu da keçənilki göstəricidən 2,8 faiz azdır. Bu barədə Dövlət Statistika Komitəsindən məlumat verilib.
Dövlət Komitəsinin məlumatına görə, yanvar-may aylarında idxal edilən minik avtomobillərinin ümumi dəyəri təxminən 174 milyon dollar təşkil edib ki, bu da keçənilki göstəricidən 21,75 faiz azdır.
Yanvar-may aylarında Azərbaycana təxminən 3,23 min yük avtomobili gətirilib ki, bu da keçən ilki östəricidən 21,7 faiz azdır. İdxal edilən avtomobillərin ümumi dəyəri 41,5 milyon dollar təşkil edib ki, bu da keçənilki göstəricidən 39,1 faiz azdır.
Yanvar-may aylarında respublikaya 276 avtobus idxal edilib. Bu da keçənilki göstəricidən 61,6 faiz aşağıdır. Bu dövrdə gətirilən avtobusların ümumi dəyəri 13,7 milyon dollardan çox olub ki, bu da keçənilki göstəricidən 38 faiz azdır.
