Azərbaycan, Bakı, 06 oktyabr / Trend , müxbir N.İsmayılov/
Çərşənbə axşamı Dünya Bankının (DB) Bakı nümayəndəliyindən verilən məlumata görə, oktyabrın 21-də Bakıda bankın dəstəyi ilə böhrandan sonrakı inkişaf qlobal forumu keçiriləcək.
Nümayəndəlikdən deyiblər ki, forumun keçirilmə tarixi DB-nin Azərbaycan üzrə aparıcı iqtisadçısı Kristos Kostopolusun səfərinin nəticələri əsasında dəqiqləşdirilib.
Forumda hakimiyyət nümayəndələrinin, beynəlxalq ekspert və iqtisadçıların da iştirakı gözlənilir. DB-dən isə icraçı direktor Nqozi Okonco-İveala və DB-nin Avropa və Orta Asiya üzrə vitse-prezidenti Filip Le Uoru iştirak edəcəklər.
Məqalə müəllifi ilə əlaqə ünvanı: [email protected]