Azərbaycan, Bakı, 13 oktyabr / Trend , müxbir E.İsmayılov/
"Azərbaycan dəmir yolları"nın Dünya Bankından alacağı 450 milyon dollar həcmindəki kreditin enerji sisteminin dəyişdirilməsinə, əlaqələrin modernləşdirilməsinə, siqnalizasiya sisteminə, dəyişən cərəyanda işləyən 50 elektrovozun alınmasına yənəldilməsi planlaşdırılır, QSC-in sədri Arif Əsgərov deyib.
"Dünya Bankı tərəfindən 450 milyon dəyərində kreditin ayrılması məsələsi artıq öz həllini tapır. Bu vəsaitlər üç istiqamətdə paylanacaq", - Əsgərov deyib.
Onun sözlərinə görə, hazırda Çexiya bankı ilə işlər aparılır və bu bankdan da 215 milyon avro məbləğində kredit alınması planlaşdırılır. Kredit yol təsərrüfatının inkişafına yönəldiləcək.
"Bu vəsaitlər əsasən yol təsərrüfatının inkişafına, Bakı-Böyük Kəsik yolunun infrastrukturunun yaxşılaşdırılmasına yönəldiləcək", - Əsgərov deyib.