...

Doqquz ay ərzində Azərbaycandan tranzit yolu ilə 5 milyon tona yaxın yük daşınıb

Biznes və iqtisadiyyat xəbərləri Materials 17 Oktyabr 2009 13:28 (UTC +04:00)

Azərbaycan, Bakı, 17 oktyabr / Trend , müxbir Ü.İsmayılova/

Azərbaycan Dövlət Gömrük Komitəsinin (DGK) məlumatına əsasən, yanvar-sentyabr ayları ərzində tranzit yolu ilə 30.77 milyon ton yük daşınıb. Bu da 2008-ci ilin analoji dövrü ilə müqayisədə 59.68 faiz azdır. Bu barədə şənbə günü DGK-dən məlumat verilib. Hesabat dövrü ərzində 25.15 milyon ton yük ixrac olunub, 5.62 milyon ton yük isə idxal olunub.

Dəniz yolu ilə 207.1 min ton yük, dəmir yolu ilə 2.29 milyon ton, avtomobil yolu ilə 320.5 min ton, hava yolu ilə 1.62 milyon ton, boru kəmərləri vasitəsilə 20.7 milyon ton yük ixrac olunub.

Dəniz yolu ilə 269.1 min ton yük, dəmir yolu ilə 4.21 milyon ton, avtomobil yolu ilə 110 min ton, hava yolu ilə 16.3 min ton yük idxal olunub.

Tranzit yolu ilə Azərbaycan ərazisindən 9 ay ərzində 4.79 milyon ton yük daşınıb. Bu da keçən ilin yeddi ayı ilə müqayisədə 4.7 faiz və ya 187.6 min ton azdır.

Tranzit yolu ilə Azərbaycandan İsveçrəyə 1.61 milyon ton, Bermud adalarına 788 min ton, İtaliyaya 1.09 min ton, Gürcüstana 404 min ton, Türkmənistana 249 min ton, Tacikistana 249.7 min ton, Rusiyaya 88.5 min ton, Türkiyəyə 73 min ton, İrana 133.9 min ton yük daşınıb.

Məqalə müəllifi ilə əlaqə ünvanı: [email protected]

Xəbər lenti

Xəbər lenti