Azərbaycan, Bakı, 10 noyabr / Trend , müxbir Ü.İsmayılova/
Sentyabr ayında Bakının ilkin daşınmaz əmlak bazarında qiymətlər bir kvadrat metr üzrə 0,8% artaraq 956 dollara çatıb. İyulda bu göstərici 948 dollar olub, şənbə günü "Əmlak Bazarı İştirakçıları" İctimai Birliyindən məlumat verilib.
Qiymətlərin artımı Bakının Yasamal (2,6%), Nərimanov (2%) və Nizami rayonlarında (1,1%) müşahidə edilib. Qiymətlərin azalması isə Bakının Səbail (2,9%), Suraxanı (10,6%), Binəqədi (2,8%) və Sabunçu rayonlarında (11,1%) qeydə alınıb.
Sentyabr ayında Bakıda 456 binanın inşası davam edib. Tikinti şirkətlərinin sayı isə 154 olub.
Binaların əksəriyyəti Yasamal, Xətai və Nəsimi rayonlarında tikilib. Burada tikilən binalar bazarın ümumi portfelinin 63,4 %-ni təşkil edib.
Yeni tikililərdə mənzil sahəsinin orta otaq göstəricisi sentyabr ayında avqust ayı ilə müqayisədə dəyişməz qalaraq 121,8 kvadrat metr təşkil edib. Orta blok göstəricisi - 2,4; orta mərtəbə göstəricisi isə 14,9 olub.
Yeni tikililərin otaq göstəricisi və onların sahələri üzrə ümumi cədvəl:
|
Mənzillər |
Mənzillərin sayı |
Orta sahə göstəricisi |
Tikintinin payı Faizlə |
|
Bir otaqlı |
11609 |
61 |
17,9 |
|
Iki otaqlı |
19899 |
93 |
30,6 |
|
Üç otaqlı |
24692 |
132,6 |
38 |
|
Dörd otaqlı |
7525 |
183,6 |
11,6 |
|
Beş otaqlı |
949 |
256,2 |
1,5 |
Məqalə müəllifi ilə əlaqə ünvanı: [email protected]
