Azərbaycan, Bakı, 17 noyabr / Trend , müxbir Ü.İsmayılova/
Azərbaycanda Meksika və Latın Amerikasından, o cümlədən Avropadan ölkəni "donuz qripi" təhlükəsindən qorumaq üçün apreldə heyvan və heyvandarlıq məhsullarının idxalına qoyulmuş qadağa ləğv ediləcək. Bu barədə çərşənbə axşamı Respublika Taun Əleyhinə Stansiyanın direktor müavini Rakif Abdullayev deyib.
"Heyvandarlıq məhsullarının, o cümlədən donuz ətinin idxal və ixracına qadağa Ümumdünya Səhiyyə Təşkilatının (ÜST) A/H1N1 virusunun altıncı təhlükə dərəcəsində olması barədə elan etməsi dövründə qoyulub", - Abdullayev deyib.
Onun sözlərinə görə, müvafiq analizlər keçirəndən sonra ekspertlər virus-mutantın bilavasitə insandan insana keçməsi barədə yekun nəticəyə gəliblər.
Səhiyyə Nazirliyi yanında Dövlət Baytarlıq Xidmətinin mətbuat xidmətinin rəhbəri Yolçu Xanvəli Amerika və Avropa qitələrindən heyvan məhsullarının, xüsusilə də donuz ətinin idxalına və ixracına qoyulmuş qadağanın ləğv olunacağı barədə məlumatı təsdiqləyib.
Aprelin 28-də Azərbaycanda ABŞ və Meksikada "donuz qripi"nin yayılmasına görə Amerika və Avropa qitələrindən heyvan və heyvandarlıq məhsullarının idxalına qadağa qoyulub.
ÜST-nin məlumatına görə, bu gün dünyanın 209 ölkəsndə "donuz qripi"dən 6,260 nəfər vəfat edib. Onlardan 5336 halda A/H1N1 virusunun mövcudluğunu təstiq edən fakt müəyyən olunmayıb.
Azərbaycanda bu günə qədər 14 "donuz qripi"nə yoluxma halı qeydə alınıb. Onlardan 13-ü tamamilə sağalıb və yalnız bir nəfər Ağciyər Xəstəlikləri İnstitutunda müalicə olunur.
Məqalə müəllifi ilə əlaqə ünvanı: [email protected]
