Azərbaycan, Bakı, 16 fevral / Trend , müxbir N.İsmayılova/
Qiymətli Kağızlar üzrə Dövlət Komitəsi fevralın 12-də Milli Depozit Mərkəzinə qiymətli kağız sahiblərinin reyestrinin aparılması üzrə fəaliyyət ilə məşğul olmaq üçün 5 il müddətinə yeni xüsusi razılıq (lisenziya) verib. Dövlət komitəsinin məlumatında deyilir.
Hazırda qiymətli kağızlar bazarında 14 broker, 13 diler, 3 qiymətli kağızların idarə edilməsi, 2 qiymətli kağız sahiblərinin reyestrinin aparılması, 1 fond birjası, 3 depozitar və 1 klirinq üzrə peşəkar fəaliyyət növlərinə verilmiş xüsusi razılıqlar (lisenziyalar) qüvvədədir.
Hazırda ölkədə qiymətli kağız bazarının peşəkar iştirakçılarının sayı 37-dir. 2008-ci ildə bu göstərici 34 olub.
