Azərbaycan, Bakı, 22 fevral / Trend , E.İsmayılov/
Bu ilin avqustunda ilk Bakı dairəvi yolu istismara veriləcək. Bu barədə bazar ertəsi Azərbaycan Nəqliyyat Nazirliyi yanında "Azəryolservis" SC-nin (yol tikintisi) rəhbəri Cavid Qurbanov məlumat verib.
"Bakı dairəvi yolunun tikintisi bu il başa çatacaq. Bu, təxminən, bu ilin avqustunda olacaq", Qurbanov bildirib. Yolun uzunluğu 21 kilometrdir.
Onun sözlərinə görə, hələ 1996-cı ildə hazırlanmış bu layihə artıq çoxdan - dörd il ərzində həyata keçirilir və bu müddətdə ona dəyişiklik edilib. Yolun enişində dəyişiklik edilib, həmçinin onun dördzolaqlıdan altızolaqlıya kimi genişləndirilməsi haqqında qərar qəbul olunub.
Qurbanovun sözlərinə görə, yeni yolda işıqlandırma və səsin səviyyəsinin azaldılması üzrə yeni sistemin yaradılması nəzərdə tutulub. Səsin məhdudlaşdırılması sakinlərin rahatlığının təminatı üçün lazımdır, belə ki, yolun bir hissəsi şəhərdən keçir.
Azərbaycan Nəqliyyat Nazirliyi Türkiyənin Mak Yol şirkəti ilə 1 saylı Bakı dairəvi yolunun inşasına dair müqavilə imzalayıb. Müqavilə 51 milyon dollar həcmində dəyərləndirilir. Yolun ümumi dəyəri isə 59 milyon dollar təşkil edir.
Həmçinin bu il Sahil və Tağıyev qəsəbələrini birləşdirəcək
Bundan əvvəl nazirlikdəki digər mənbənin verdiyi məlumata görə, ikinci dairəvi yolun tikintisinə dair layihə yolun Lökbatan, Xocasən, Biləcəri, Novxanı, Məhəmmədi, Pirşagı, Maştağa, Hövsandan keçəcəyini nəzərdə tutur. Yol dördzolaqlı olacaq.