Azərbaycan, Bakı, 25 fevral / Trend , müxbir Ü.İsmayılova/
Yanvarda Bakının torpaq bazarında ən bahalı torpaq sahəsi Nəsimi rayonunda (bir sot torpaq üçün 190 min dollar), ən ucuz isə Abşeron rayonunda (bir sot torpağa 350 dollar) müşahidə olunub. Bu barədə "Əmlak Bazarı İştirakçıları" İctimai Birliyi cümə axşamı məlumat verib.
Yanvar ayı ərzində Bakıda bir sot torpaq sahəsinin orta qiyməti 2,1 faiz ucuzlaşaraq 14769 dollar təşkil edib. Bu göstərici 2009-cu ilin dekabrında 15086 dollar olub.
Qiymətlərin ən çox azalması BakınınYasamal rayonunda (2,4 faiz) müşahidə edilib. Ötən ay ərzində ən fəal rayonlar isə Binəqədi və Nizami rayonları olub.
Ümumilikdə, bazarda yanvar ayında 808,1 hektar torpaq təklif edilib ki, bunun da 76,9%-i boş sahə olub.
Torpaq sahələrinin ekspozisiya müddəti yanvarda daha 0,8% artaraq 247 günə çatıb.
