Azərbaycan, Bakı, 2 iyul /Trend, müxbir N.İsmayılova/
Azərbaycan Qiymətli Kağızlar üzrə Dövlət Komitəsi tərəfindən "ADB Broker" Məhdud Məsuliyyətli Cəmiyyətinə broker fəaliyyəti ilə məşğul olmaq üçün iyunun 29-da 5 il müddətinə yeni xüsusi lisenziya verilib. Bu barədə Dövlət Komitəsinin cümə günü yayılan məlumatında deyilir.
ADB Broker DəmirBankın törəmə şirkətidir.
Hazırda qiymətli kağızlar bazarında 14 broker fəaliyyəti, 14 diler fəaliyyəti və 4 qiymətli kağızların idarə edilməsi, 2 qiymətli kağız sahiblərinin reyestrinin aparılması, 3 depozitar, 1 fond birjası və 1 klirinq üzrə peşəkar fəaliyyətə verilmiş xüsusi lisenziyalar qüvvədədir.