...

Bakıda kənd təsərrüfatı kreditlərinin sığortalanması layihəsinin nəticələrinin təqdimatı keçiriləcək

Biznes və iqtisadiyyat xəbərləri Materials 7 İyul 2010 17:49 (UTC +04:00)

Azərbaycan, Bakı, 7 iyul /Trend, müxbir Ü.İsmayılova/

Azərbaycan Mikromaliyyələşdirmə Assosiasiyası (AMFA) "Kənd təsərrüfatı kreditlərinin sığortalanması" layihəsinin yekun nəticələrini təqdim edəcək. Bu barədə AMFA-nın çərşənbə günü yaydığı məlumatda deyilir.

Məlumatda bildirilir ki, "Kənd təsərrüfatı kreditlərinin sığortalanması" layihəsinin həyata keçirilməsində əsas məqsəd rayonların davamlı inkişafının və bu sahədə keçirilən islahatların dəstəklənməsidir.

Təqdimatda OXFAM humanitar təşkilatının direktoru Şövkət Əlizadə, AMFA-nın layihə üzrə vəkili Ayxan Nəsibli və AMFA-nın araşdırma qrupunun rəhbəri Vaqif Rüstəmov iştirak edəcəklər.

Eləcə də tədbirdə dövlət strukturlarının nümayəndələri, AMFA-nın üzvləri (banklar, bank olmayan kredit təşkilatları və kredit ittifaqları), sığorta şirkətlərinin, səfirliklərin, hökumət və qeyri-hökumət təşkilatlarının nümayəndələri, professorlar və başqaları iştirak edəcəklər.

Xəbər lenti

Xəbər lenti