Azərbaycan, Bakı, 3 avqust /Trend, müxbir E.İsmayılov/
Azərbaycan, Gürcüstan və Türkiyə çərşənbə axşamı Bakıda Bakı-Tbilisi-Qars dəmir yolunun tikintisi üzrə layihənin koordinasiya şurasının ikinci iclasının yekunları ilə bağlı üçtərəfli protokol imzalayıblar.
Protokolu Azərbaycanın nəqliyyat naziri Ziya Məmmədov, Türkiyənin nəqliyyat naziri Bineli Yıldırım və Gürcüstanın regional və infrastruktur inkişafı naziri Ramaz Nikolaşvili imzalayıblar.
Bakıda çərşənbə günü Türkiyənin nəqliyyat naziri Yıldırımın dediyinə görə, Çin tərəfi Bakı-Tbilisi-Qars dəmiryolu vasitəsilə ildə 10 milyon ton yükü nəql etməkdə maraqlıdır və bu niyyətdədir. Bu layihə çərçivəsində işlər başa çatdıqdan sonra Qafqaz regionu və Türkiyə vasitəsilə Çindən və Mərkəzi Asiyadan Avropaya dəhliz açılacaq. Bu dəhliz vasitəsilə hər iki istiqamətdə böyük həcmdə yüklərin hərəkəti müşahidə olunacaq.
Bakı-Tbilisi-Qars layihəsi çərçivəsində 76 km Türkiyə ərazisindən, 29 km isə Gürcüstan ərazisindən keçən yeni 105 kilometrlik dəmiryol magistralının tikintisi planlaşdırılır. Bundan əlavə, Gürcüstanda yükötürmə qabiliyyətinin ildə 15 milyon tonadək artırılması üçün 183 kilometrlik Axalkalaki-Marabda-Tbilisi dəmiryol məntəqəsi bərpa ediləcək. Həmçinin, Axalkalakidə Gürcüstanda olan dəmir yolundan qatarların Avropaya keçməsi üçün məntəqənin inşa edilməsi planlaşdırılır.
