...

Azərbaycan bankı "Texnikabank" aktivlərin idarə edilməsinə başlayıb

Biznes və iqtisadiyyat xəbərləri Materials 13 Avqust 2010 20:55 (UTC +04:00)

Azərbaycan, Bakı, 13 avqust/Trend, müxbir İ.Xəlilova/

Azərbaycan bankı "Texnikabank" xarici bazarlarda yerli şirkətlərin aktivlərinin idarə edilməsinə başlayıb. Cümə günü "Texnikabank"ın idarə heyətinin sədri Samir Quliyevin dediyinə görə, bankın broker şirkəti - "Texnika Capital Management" vasitəsilə öz vəsaitləri üzrə çox gəlir əldə etmək istəyən müştərilərin aktivləri beynəlxalq kapital bazarlarının müxtəlif alətlərinə investisya edilir.

"Dünya bazarlarında böhranlı vəziyyəti nəzərə alaraq, biz "blue chips" - böyük şirkətlərin səhmlərinə, o cümlədən neft səhmlərinə investisiya qoyuruq. Əsas odur ki, vəzaitlər yerləşdirilərkən biz vəsaitlərimizi təkcə sektorlar üzrə deyil, həm də coğrafi baxımdan diversifikasiya edirik. Biz Amerika, Çin, Yaponiya, Türkiyə, Rusiya, Avropa bazarlarında investisya yatıra bilərik".

Bu günədək investisiyalar hələ ki Amerika, Çin və Türkiyə bazarlarına yatırılır.

Müştərilərlə razılaşma çərçivəsində onların vəsaitlərinin bir hissəsi daha az riskli alətlərə investisiya edilir, daha çox gəlir əldə etmək istəyəndə daha az riskli qiymətli kağızlara yatırımlar mümkündür.

Çox böyük gəliri daha riskli alətlərə, xüsusilə istiqrazlaar yatırarkən əldə etmək olar.

Onun sözlərinə görə, "Texnika Management" investisiya yatırımları üçün üç kateqoriya ayırır: yüksək riskdə (gəlir dərəcəsi ildə 40 faizi ötür), orta riskli və minimal riskli. Yüksək risklər biotexnoloji, regenerasiya şirkətlərinin səhmləri üzrə ola bilər. Daha az riskli olanlara İsveçrənin əczaçılıq şirkətlərini, sərinləşdirici içkilər istehsalçısı "Coca -Cola"nı aid etmək olar. Belə şirkətlərin iflasa uğraması həm iqtisadi artım, həm də böhran şəraitində mümkün deyil və onların istehsal həcmi azalmır.

"Aktivlərin idarə edilməsi bazarının Azərbaycanda böyük potensialı var və məqsəduyğun olardı ki, bankların 30 faizi biznesin bu sahəsinə istiqamətlənsin", - Hüseynov qeyd edib.

1993-cü ildə təsis olunmuş "Texnikabank" ASC ölkənin bank sektorunda əsas göstəricilərinə görə ilk beşlikdə qərarlaşıb. "Texnikabank" ASC 35 filialı və 5 şöbəsi ilə Bakı şəhəri və respublikanın regionlarında hüquqi və fiziki şəxslərə bütün növ bank xidmətlərini təklif edir. 1 iyul 2010-cu il tarixinə görə, "Texnikabank"ın aktivləri 452,78 milyon manat təşkil edib. Aktivlər üzrə gəlir (ROA) 0,39 faiz, kapital (ROE) üzrə 2,97 faiz olub.

Bankın nizamnamə kapitalı il ərzində demək oalr iki dəfə artaraq 53,685 milyon manata çatıb. Bankın ümumi kapitalı isə 58,044 təşkil edib.

Avqustun 13-nə rəsmi məzənnə 0,8037 AZN/USD təşkil edir.

Xəbər lenti

Xəbər lenti