Azərbaycan, Bakı, 14 sentyabr /Trend, müxbir N. İsmayılova/
"Azərsun" Şirkətlər Qrupu Azərbaycan Vergilər Nazirliyində "Azərsun məmulatları" MMC-ni qeydiyyata alıb. Bu barədə ölkənin Vergilər Nazirliyinin rəsmi saytının "vahid pəncərə" bölməsində məlumat verilib.
Onun təsisatçısı "Azərsun Holdinq" MMC-dir. Un məmulatları istehsalçısı avqustun 18-də dövlət qeydiyyatından keçib. Şirkət 10 min manat nizamnamə kapitalı ilə qeydiyyata alınıb. Şirkətin qanuni nümayəndəsi İran vətəndaşı Şadfar Məhəmməd Əlidir.
"Azərsun Holdinq" 1992-ci ildə yaradılıb. Holdinqin fəaliyyət sahələri çay, bitki yağlarının emalı və qablaşdırılması, ticarət və distribüterlik, inşaat, bank işi, sığorta, karton-kağız məmulatlarının, ət və tərəvəz konservlərinin istehsalı, yüklərin daşınması, saxlanması və s.-dən ibarətdir.
Sentyabrın 14-nə olan rəsmi məzənnə 0,8037 AZN/USD təşkil edir.
