Qazaxıstan, Astana, 17 noyabr /Trend, müxbir А.Maratov/
Qazaxıstanın milli şirkəti "Air Astana"da əcnəbi menecerlərin yerli kadrlarla əvəz olunması barədə məsələ çoxdan qaldırılıb. Bu cür deputat tələbi ilə çərşənbə günü parlamentin Aşağı Palatasının plenar iclası zamanı çıxış edən Zeynulla Alşimbayev nəqliyyat və kommunikasiya nazirinə müraciət edib.
Tələb üçün səbəb şirkətin yay tərkibinin kollektiv məktubu olub. Məktubda bildirilir ki, 2009-cu ildən başlayaraq Qazaxıstanda "Boeing" və "Airbus" təyyarələrinə yerli pilotlardan heç bir komandir hazırlanmayıb.
"Pilotlar aviaşirkətin inkişafında bu neqativ tendensiyaları "Air Astana" şirkətinin uçuşların planlaşdırılması şöbəsinin müdiri vəzifəsinə CAR vətəndaşı Rassel Eliosun təyin olunması ilə əlaqələndirirlər", - Alşimbayev deyib.
Deputatın verdiyi məlumata əsasən, bundan əvvəl 2008-ci ilə qədər hər il 20-30 yerli pilot kiçik "Foker-50" təyyarələrindən müasir "Airbus" və "Boeing" təyyarələrini idarə etməyə keçiblər. Təxminən bu qədər sayda pilot - Qazaxıstan vətəndaşı müasir laynerlərin komandiri olub.
Onun sözlərinə görə, Elios vəzifəyə təyin edildiyi vaxtdan dərhal sonra müxtəlif bəhanələrlə praktik olaraq yerli pilotların "Foker-50"dən "Airbus" və "Boeing" təyyarələrinə keçməsini qadağan edib.
"Bunun əvəzində "Air Astana"da xarici pilotların sayı artmağa başladı. Əcnəbi kadrların sayını daha da artırmaq məqsədilə cənab Rassel süni şəkildə yay tərkibinin çatışmazlığını yaratdı, halbuki buna heç bir ehtiyac yox idi", - deputat vurğulayıb.
Alşimbayev qeyd edib ki, bu, əcnəbi rəhbərlərin Qazaxıstanın maraqlarına müvafiq olaraq pilotların hazırlanması əvəzinə, açıq şəkildə öz maraqlarını irəli sürməsi ilə bağlı birinci hal deyil.
"Şirkət artıq səkkiz ildən çoxdur fəaliyyət göstərir və biz hesab edirik ki, uçuş şöbəsi müdiri, yay tərkibinin hazırlanması üzrə departament direktoru, həmçinin, digər bu cür vəzifələrə tapşırıqları aydın başa düşən və bilən, respublikamızın inkişafı və tərəqqisində bilavasitə maraqlı olan Qazaxıstan vətəndaşları təyin olunmalıdır", - Alşimbayev deyib.
Deputat öz tələbində nəqliyyat və kommunikasiya naziri Abelqazı Kusainovdan "bu məsələ ilə bağlı tədbir görməyi və müvafiq ölçülər götürməyi" xahiş edib.