Azərbaycan, Bakı, 3 dekabr /Trend, müxbir N.İsmayılova/
Oktyabr ayı ərzində Azərbaycanda bank sektorunun kapitallaşması 0,8 faiz, ilin əvvəlindən 7,4 faiz artaraq 2152,35 milyon manat təşkil edib. Bu barədə cümə axşamı Azərbaycan Mərkəzi Bankından (AMB) məlumat verilib.
AMB-nin açıqladığı statistik rəqəmlərə görə, oktyabr ayının yekunları üzrə kapitalı 10 milyon manatdan çox olan bankların sayı cari ilin sentyabrı və ötən ilin oktyabrı ilə müqayisədə dəyişməz qalıb - 41 bank. Oktyabrda bütün bankların kapitalının məcmu həcmində bu kateqoriyadan olan bankların xüsusi çəkisi dəyişməz qalaraq 97,8 faiz səviyyəsində olub.
Dörd bankın (1,8 faizlik xüsusi çəki ilə) kapitalı beş milyon manatla on milyon manat, iki bankın (0,4 faizlik) 3,5 milyon manatla beş milyon manat civarında formalaşıb.