Azərbaycan, Bakı, 17 dekabr /Trend, müxbir Ü.İsmayılova/
Dekabrın 1-nə olan vəziyyətə görə, Azərbaycanda rəsmi olaraq 39 min nəfər işsiz kimi qeydiyyatdan keçib, işsizlərin 43,6 faizi qadındır. Bu barədə cümə axşamı Dövlət Statistgika Komitəsindən məlumat veriblər. Ölkədə bir vakant iş yerinə dörd işsiz iddialıdır.
Yanvar-noyabrda ölkənin əmək qabiliyyətli əhalisinin sayı 4343,4 min nəfər təşkil edib. Bu arada 1363,9 nəfər muzdla işləyir.
Muzdla çalışanların 1345,9 min nəfərindən 856,1-i dövlət sektorunda, 489,8 nəfəri isə özəl sektorda çalışır. İstehsalat sahəsində muzdla çalışanların 20,3 faizi sənaye, 5 faizi tikinti, 3 faizi kənd və meşə təsərrüfatı, balıqçılıq, 2,6 faizi mədən sənayesin, 5,9 faizi emal sənayesində çalışır.
Xidmət sahəsinə gəlincə, bu sahədə çalışanların 25,5 faizi təhsil, 19,9 faizi topdan satış və pərakəndə ticarət, avtomobillərin, məişət avadanlıqlarıın təmiri, 10 faizi səhiyyə və sosial xidmətlər, 5,7 faizi nəqliyyat və anbar təsərrüfatı, 4 faizi istirahət, əyləncə və mədəniyyət, 3,9 faizi dövlət idarəetməsi və müdafiə sahəsi, icbari sosial təminat, 3,2 faizi peşə, elmi və texniki fəaliyyət, 1,8 faizi informasiya və rabitə, 1,5 faizi maliyyə və sığorta sahəsində çalışır.
İşsizlik üzrə müavinətin orta məbləği 163,2 manat təşkil edir.