Azərbaycan, Bakı, 5 yanvar /Trend, müxbir N.İsmayılova/
Azərbaycan Dünya Bankının (DB) "Sərhədsiz investisiyalar-2010" məruzəsində Mərkəzi Avropa və Mərkəzi Asiya ölkələri ilə müqayisədə xarici kapital üçün açıqlıq məhdudiyyətinin göstəricisi üzrə ortadan artıq səviyyədə göstərilib. Bu barədə çərşənbə günü DB-nin hesabatında deyilir.
Məlumata əsasən, Azərbaycanda xarici şirkətlərin kənd təsərrüfatı, elektroenergetika, telekommunikasiya, bank və maliyyə sektorlarında, sığorta, nəqliyyat sahələrində fəaliyyəti üçün heç bir məhdudiyyət yoxdur. Bu sektorlar üzrə indeks 100 təşkil edir ki, bu da orta regional (20 ölkəni əhatə edir) və orta dünya (87 ölkə) indekslərini ötür.
Azərbaycan qanunvericiliyinin tələblərinə uyğun olaraq, dövlət dağ mədən və neft-qaz sahələrində işləyən şirkətlərin səhmləri üzərində nəzarət paketinə malik olmalıdır, hesabatda deyilir. Xarici kapitalın kütləvi informasiya vasitələrində iştirakı 33 faizə kimi məhdudlaşdırılıb, maliyyə sektorunda (banklar və sığorta şirkətləri) xarici kapitala qoyulan məhdudiyyətlər ləğv edilib, lakin xarici kapitalın məcmu iştirakı üçün limitlər qalır.
Azərbaycan üçün biznes qeydiyyatının sadəliyi üzrə indeks 71,6 səviyyəsində, regionun orta göstəricisi üçün 76,8 və orta dünya göstəricisi üçün 64,5 səviyyəsində müəyyən edilib.
Azərbaycanda xarici kapitallı MMC-nin qeydiyyatı üçün 11 gün ərzində (22 və 42 gün əvəzinə) yeddi prosedurdan (müvafiq olaraq 8 və 10 əvəzinə) keçmək lazımdır. Şirkətlərin qeydə alınması "bir pəncərə" sistemi vasitəsilə həyata keçirilir, bu, ƏDV ödəyiciləri üçün də tətbqi edilir. Azərbaycan Vergilər Nazirliyi üç iş günü ərzində biznes və beş gün ərzində ƏDV ödəyicilərinin qeydiyyatını həyata keçirir. Bankda hesab açmaq (milli və ya xarici valyutada) üçün şirkət Vergilər Nazirliyində müvafiq bankın qeydiyyat formasını təsdiq etdirir. Bütün prosesdən "on-line" rejimdə keçmək olar və buna adətən cəmi 2-3 gün lazım olur.
