Azərbaycan, Bakı, 3 fevral/Trend, müxbir İ.Xəlilova/
Azərbaycan Dövlət Gömrük Komitəsi (DGK) ölkənin Nazirlər Kabinetinə ölkəyə idxal edilən avtomobillərdən yol vergisinin tutulması ilə bağlı fərqli yanaşmanın tətbiqini nəzərdə tutan təklifləri təqdim edib. Bu barədə cümə axşamı Trend-ə DGK sədri Aydın Əliyev deyib.
"Vergi qanunvericiliyinə edilən dəyişikliklər bəzi hallarda sərhədi keçən zaman tariflərin azlmasına, müddətlər üzrə fərqli yanaşmanın tətbiqinə və s. səbəb olacaq", - Əliyev bildirib.
Hazırda bütün minik avtomobilləri üçün yol vergisinin məbləği 15 dollar təşkil edir. DGK onu artırmağı və mühərrikin həcmindən asılı olaraq müəyyənləşdirməyi təklif edir.
"Başlıca məqsəd sui-istifadələrin aradan qaldırılmasıdır, çünki bu gün Azərbaycanda gömrük rəsmiləşdirilməsindən keçməyən çoxlu avtomobil var", - Əliyev qeyd edib. - Biz Azərbaycan ərazisində yük maşınlarının qalma müddətini 30 günədək artırmağı da təklif edirik".
Respublikada əlavə qalmaq üçün yol vergisi ödəniləcək. O, qüvvədə olan vergi qanunvericiliyinə əsasən, yük maşınlarının bir gün üçün 20 dollar səviyyəsində müəyyənləşdirilib. Hazırda yük maşınları (dörd təkərədək) ölkə ərazisində iki həftəyədək qalmaq üçün 40 dollar (təkəri dörddən çox olanlar 80 dollar), bir ayadək 140 dollar (280 dollar), üç ayadək 400 dollar (800 dollar), bir ilədək 1400 dollar (2800 dollar) ödəyirlər.
