Azərbaycan, Bakı, 19 mart /Trend, müxbir Ü.İsmayılova/
Azərbaycan Turizm Assosiasiyası (AZTA) turizm sahəsində çalışmaq istəyənlər üçün xüsusi kurslar təşkil edir. Bu barədə şənbə günü AZTA rəhbəri Nahid Bağırov məlumat verib.
"İlkin mərhələdə kurslar "turmenecer" və "aviamenecer" ixtisasları üzrə təşkil olunacaq", - Bağırov deyib.
Onun sözlərinə görə, kurslar 45 gün ərzində aparılacaq. İştirakın dəyəri 200 manat təşkil edəcək.
Bağırov bildirib ki, mütəxəssislərin təhsili ilə əsasən aparıcı yerli turizm şirkətlərinin rəhbərləri məşğul olacaq. Təlimlər başa çatdıqdan sonra mütəxəssislər sertifikatlaşdırılacaq. Bu sertifikatlar kursları bitirən şəxslərin məşğulluğunun təmin olunmasında müəyyən rol oynayacaq.
"Kurs başa çatdıqdan sonra assosiasiya sertifikatlaşdırılmış mütəxəssislər üçün arzu edənlərin hamısının iş seçə biləcəyi mini-yarmarkalar keçirəcək", - Bağırov bildirib.
Bir müddət əvvəl Azərbaycan Turizm İnstitutunun rektoru Cəfər Cəfərov bildirib ki, ölkənin turizm sənayesinə mövcud problemləri düzgün anlayan təhsilli adamlar lazımdır. "Təəssüf ki, Azərbaycanın turizm sənayesində turizm təhsili olmayan, lakin öz işinin peşəkarı olanların çalışdığı reallıqdır. Bu da normaldır. Təcrübədə baza təhsilinə malik olmaq keyfiyyətcə yeni səviyyədir", - Cəfərov bildirib.