Azərbaycan, Bakı, 19 may /Trend, müxbir N.İsmayılova/
Azərbaycanda SWIFT-in milli istifadəçilər qrupunun yeni rəhbəri seçiləcək. Bu barədə cümə axşamı ölkənin bank dairələrindən bildirilib.
Əvvəllər bu vəzifəni ötən ilin mayında dünyasını dəyişmiş "Azericard" Prosessinq Mərkəzinin baş direktoru Elmar Sadıqov tuturdu. Hazırda bu səlahiyyətləri müvəqqəti olaraq Azərbaycan Beynəlxalq Bankı yerinə yetirir.
Bununla əlaqədar Azərbaycan Mərkəzi Bankına bu məsələyə baxılması və yeni əlaqələndiricinin seçilməsi ilə bağlı müraciət göndəriləcək.
SWIFT (Society for Worldwide Interbank Financial Telecommunication) - 1973-cü ildən maliyyə telekommunikasiya sahəsində işləyən beynəlxalq təşkilatdır. Dünyanın 209 ölkəsinin 9000-dən çox bank, maliyyə təşkilatları və korporasiyaları SWIFT şəbəkəsindən standartlaşdırılmış maliyyə məlumatlarının mübadiləsi üçün istifadə edirlər. Hazırda SWIFT öz şəbəkəsi üzrə istifadəçilər arasında məlumatların ötürülməsinə görə maliyyə məsuliyyəti daşıyan yeganə təşkilatdır. Hər il SWIFT vasitəsilə 2,5 milyard ödəniş tapşırıqları ötürülür.