...

Azərbaycan Sığortaçılar Assosiasiyası nizamnaməsini yeniləyir

Biznes və iqtisadiyyat xəbərləri Materials 3 Sentyabr 2011 13:02 (UTC +04:00)

Azərbaycan, Bakı, 3 sentyabr /Trend, müxbir A.Axundov/

Azərbaycan Sığortaçılar Assosiasiyası (ASA) nizamnaməsini yeniləməyə hazırlaşır. Bu barədə Trend-ə ASA-nın icraçı direktoru Azər Əliyev bildirib.

"ASA-nın Nəzarət Şurasının 13 sentyabrda keçiriləcək iclasında hazırkı nizamnaməyə dəyişikliklər edilməsi və yeni nizamnamənin assosiasiyanın Hüquq komitəsi tərəfindən hazırlanması məsələləri müzakirə olunacaq", - deyə o bildirib.

İclasda, həmçinin Almaniyanın Baden-Baden şəhərində keçirilməsi planlaşdırılan Azərbaycanda sığorta işinin inkişaf etdirilməsinə həsr olunmuş tədbirin hazırlıq işlərinin gedişatı müzakirə ediləcək.

"ASA-nın təşkil etdiyi və iyulun 7-8-də Bakıda keçirilən sığorta forumunun uğuru belə planlar qurmağa əsas verir. Bu, bir növ Azərbaycanın sığorta gecəsi olacaq", - Əliyev deyib.

Hər il oktyabrın sonlarında Almaniyanın Baden-Baden şəhərində keçirilən təkrarsığortaçıların və brokerlərin simpoziumu və forumu beynəlxalq sığortanın cari istiqamətlərinin qiymətləndirilməsi və gələn il üçün təkrar sığorta fəaliyyətinin planlaşdırılması üzrə iri beynəlxalq tədbirlərdən biridir.

"Bu, bir növ müsabiqədir, orada sığortaçıların akademik bilik səviyyəsi yenidən yoxlanılacaq", - deyə Əliyev bildirib.

Hazırda Azərbaycanda 28 sığorta və bir təkrarsığorta şirkəti fəaliyyət göstərir.

Xəbər lenti

Xəbər lenti