...

Bakı limanı yanvar-sentyabrda bərə yüklərinin daşınmasını artırıb

Biznes və iqtisadiyyat xəbərləri Materials 11 Oktyabr 2011 16:28

Trend-i buradan izləyin

Azərbaycan, Bakı, 10 oktyabr /Trend, müxbir E.İsmayılov/

Yanvar-sentyabrda Bakı Beynəlxalq Dəniz Ticarət Limanından 5 milyon tona yaxın müxtəlif yüklər daşınıb. Bu, ötən ilin analoji dövr göstəricisindən 23 faiz çoxdur. Bu barədə çərşənbə axşamı Trend-ə Bakı limanındakı mənbə bildirib.

"Yanvar-sentyabrda ümumi daşımada 23 faizlik artım müşahidə olunub", - mənbə deyib.

Onun sözlərinə görə, yanvar-sentyabrda liman tərəfindən 2,9 milyon ton həcmində bərə yükləri daşınıb. Bu, ötən ilin analoji dövr göstəricisindən 47 faiz çoxdur.

2010-cu ildə liman tərəfindən 2,93 milyon ton bərə yükü daşınıb. Bu da 2009-cu ilin analoji dövr göstəricisindən 28 faiz çox olub.

Yanvar-sentyabrda əsas quru yük terminalı tərəfindən 860 min ton yük daşınıb. Bu, 2010-cu ilin analoji dövr göstəricisindən 41 faiz azdır.

"2010-cu ildə liman vasitəsilə 5,76 milyon ton müxtəlif yüklər daşınıb ki, bu da 2009-cu ilin göstəricisindən 12 faiz çoxdur", - mənbə bildirib.

Mənbənin sözlərinə görə, 9 ay ərzində liman vasitəsilə 7580 ədəd konteyner daşınıb ki, bu da ötən ilin eyni dövr göstəricisindən 35 faiz azdır. Azalma Orta Asiyadan yük həcmlərinin azalması ilə izah edilir. "Lakin bu, müvəqqəti haldır", - o deyib.

Ümumi və yüklərin ayrı-ayrı növləri üzrə daşımalarda əhəmiyyətli artım limandakı 12-ci körpünün təmirdən sonra istismara verilməsi, Avropa-Asiya istiqamətində yükdaşımaların artması, Türkmənistandan neft yüklərinin daşınmasındakı artımla bağlıdır.

Xəbər lenti

Xəbər lenti