Azərbaycan, Bakı, 12 mart /Trend, müxbir A.Axundov/
Azərbaycan altı ölkə ilə (İrlandiya, Slovakiya, Suriya, İsveç, Malta və Vyetnam) ikiqat vergitutmadan yayınma haqqında saziş layihələrinin razılaşdırılması üzrə müzakirələri davam etdirir. Trend-in məlumatına görə, bu barədə "Nazirlər Kabinetinin 2011-ci ildə fəaliyyəti haqqında hesabat"da deyilir.
"2011-ci ildə "Gəlirlərə və əmlaka görə vergilərə münasibətdə ikiqat vergitutmanın aradan qaldlırılması haqqında" beynəlxalq müqavilələrin bağlanması üzrə işlər davam etdirilib. Ötən ilin sonuna qədər Azərbaycan ikiqat vergitutmanın aradan qaldırılması haqqında 41 ölkə ilə müqavilə bağlayıb, onlardan 37-si artıq qüvvəyə minib", - hesabatda qeyd olunur.
Belə saziş Xorvatiya Prezidenti İvo Yosipoviçin Azərbaycana səfəri çərçivəsində bazar ertəsi bu ölkə ilə də imzalanıb.
Doqquz ölkə (Sinqapur, San-Marino, İordaniya, İspaniya, Türkmənistan, Səudiyyə Ərəbistanı, Qırğızıstan, Mərakeş və Makedoniya) ilə mütəxəssislər səviyyəsində sazişlərin mətni razılaşdırılıb.
