Azərbaycan, Bakı, 14 mart /Trend, müxbir A.Axundov /
Azərbaycanda qızıl hasilatına başlanandan Azərbaycanın payından ölkənin Mərkəzi Bankına saxlanılması üçün 513,6 kiloqram qızıl (999,9 əyarlı) təhvil verilib. Bu barədə hökumətin 2011-ci ilin yekunları üzrə ölkə parlamentinə təqdim etdiyi hesabatda deyilir.
R.V. Investment Group Service, LLC USA şirkəti Gədəbəy qızıl yatağının istismarını davam etdirir. 2011-ci ildə həmin yataqdan 1782,2 kiloqram qızıl və 1216,2 kiloqram gümüş hasil edilib. Bu zaman Azərbaycanın payı 229,2 kiloqram qızıl və 157,5 kiloqram gümüş təşkil edib.
