Azərbaycan, Bakı, 29 iyun /Trend, müxbir Ə.Həsənov/
Azərbaycanın Qiymətli Kağızlar üzrə Dövlət Komitəsi "Kapital Bank" ASC-nin 10 milyon manat həcmində adi, adlı, sənədli səhmlərinin emissiya prospektini qeydiyyata alıb. Trend-in məlumatına görə, bu barədə cümə günü Bakı Fond Birjasının yaydığı məlumatda deyilir.
Emissiya çərçivəsində hər birinin nominal dəyəri 10 manat olan 1 milyon səhm buraxılıb. Yerləşdirmənin anderrayteri qismində "Çelsi Kapital" MMC çıxış edəcək.
Hazırda bankın nizamnamə kapitalı 40 milyon manat təşkil edir.