Azərbaycan, Bakı, 4 oktyabr /Trend, müxbir A.Axundov/
Azərbaycanın "Milli Kart" prosessinq mərkəzinin xidmət göstərdiyi aktiv plastik kartlarının sayı 6 ay ərzində 19,37 faiz artaraq 2012-ci ili birinci yarımilliyinin sonuna 228 min ədədə çatıb. Trend-in məlumatına görə, bu barədə cümə axşamı prosessinq mərkəzinin yaydığı məlumatda deyilir.
Mərkəz ötən ilin sonuna 191 min karta, 2012-ci ilin birinci rübünün sonuna 210 min, birinci yarımilliyin sonuna isə 228 min karta xidmət göstərib.
Həmçinin 2012-ci ilin yanvar-iyun aylarında bankomatların sayı artaraq 327 ədəd təşkil edib. 2012-ci ilin ilk yarımilliyinin sonuna bu rəqəm 325, 2011-ci ilin axırına isə 320 ədəd olub.
POS-terminalların sayı artaraq 5579-a çatıb. Birinci rübün yekunları üzrə bu göstərici 5010, 2011-ci ilin nəticələri üzrə isə 3200 olub.
"Milli Kart" sistemində 12 bank xidmət göstərir. Onlardan 2012-cu ilin birinci yarımilliyin yekunları üzrə 8 bank (ötən ildə olduğu kimi) VISA kartları buraxır. MasterCard kartları buraxan bankların sayı 6 ədəd ( yarım il ərzində 1 bank artıb) təşkil edir. Yerli kartlar buraxan bankların sayı 4 ədəddir (yarım il ərzində 1 bank artıb).
