Azərbaycan, Bakı, 18 oktyabr /Trend, müxbir A.Axundov/
Müstəqillik illərində Azərbaycanda mənzil fondu dörd dəfə artıb və 162 milyon kvadrat metrə çatıb. Trend-in məlumatına görə, bu barədə Dövlət Şəhərsalma və Arxitektura Komitəsinin sədri Abbas Ələsgərov cümə axşamı Bakıda MDB dövlətlərinin tikinti fəaliyyətində əməkdaşlıq üzrə Hökumətlərarası Şurasının 34-cü iclasında çıxışı zamanı bildirib.
"Bu gün adambaşına düşən mənzil fondu 18 kvadrat metr təşkil edir", - Ələsgərov deyib.
Onun sözlərinə görə, son 20 ildə tikinti-quraşdırma işlərinin həcmi 19 dəfə artıb.
"Tikinti sektorunda çalışan işçilərin orta aylıq əməkhaqqı altı dəfə artıb", - Komitə sədri bildirib.