Azərbaycan, Bakı, 27 oktyabr /Trend/
Azərbaycan regionlarından (Bakı istisna olmaqla) bank sisteminə cəlb edilən əhali əmanətləri 2012-ci il sentyabrın 1-nə 349 milyon manat və ya bank əmanətlərinin ümumi həcminin 7,8 faizini təşkil edib. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.
Bakı üzrə əmanətlərin həcmi 4 113,6 milyon manat təşkil edib. Burada milli valyutada əmanətlərın payı 2 269,7 milyon manatdır.
Ölkə üzrə orta faiz dərəcəsi hesabat dövründə 8,6 faiz təşkil edib, Bakı üzrə isə 8,7 faiz olub.
Abşeron iqtisadi rayonu üzrə əmanətlərin həcmi 105,9 milyon manat (orta tarif üzrə 9,2 faiz), Aran iqtisadi rayonu üzrə 56,8 milyon manat (5,0 faiz), Dağlıq Şirvan - 7,8 milyon manat (6,8 faiz), Gəncə-Qazax - 69,05 milyon manat (7,5 faiz), Quba-Xaçmaz - 28,13 milyon manat (6,9 faiz), Lənkəran - 24,8 milyon manat (7,2 faiz), Şəki-Zaqatala - 24,02 milyon manat (5,3 faiz), Dağlıq Qarabağ - 7,8 milyon manat (4,0 faiz), Kəlbəcər-Laçın - 1,76 milyon manat (5,8 faiz) və Naxçıvan iqtisadi rayonu üzrə 22,9 milyon manat (3,2 faiz) təşkil edib.
Yanvar-avqust ayları ərzində fiziki şəxslərin əmanətləri 8,32 faiz artaraq 4462,6 milyon manat təşkil edib.
