Azərbaycan, Bakı, 14 noyabr /Trend, müxbir C.Nəsibova/
Azərbaycanda eneri sektorunun inkişaf səviyyəsi və ərzaq sahəsinin inkişaf potensialı, həmçinin Dubayın güclü infrastrukturu nəzərə alınsa, Azərbaycan və BƏƏ arasında əməkdaşlığın inkişafı üçün böyük imkanlar var. Trend-in məlumatına görə, bu barədə çərşənbə günü Dubay Sənaye və Ticarət Palatasının baş direktoru Hamad Buamin Bakıda keçirilən birgə biznes-forumda deyib.
Onun sözlərinə görə, maliyyə xidmətləri, turizm, nəqliyyat, logistika, ərzaq sektoru və sənaye sahələrində əməkdaşlıq üçün böyük potensial mövcuddur.
"Biz bu sahələrdə, xüsusən, turizm, nəqliyyat və logistika sektorlarında təcrübəmizi bölüşməkdən şadıq. Həmçinin, biz İslam maliyyələşdirilməsi sahəsində təcrübəmizi bölüşməyə hazırıq", - Palata rəhbəri qeyd edib.
