Azərbaycan, Bakı, 11 dekabr /Trend, müxbir A.Axundov/
"Paşa Bank" gələn həftə Gürcüstanın bank bazarında fəaliyyət göstərmək üçün özünün törəmə bankı üçün lisenziyanın alınması məqsədilə bu ölkənin Milli Bankına rəsmən müraciət etməyi planlaşdırır. Bu barədə çərşənbə axşamı Trend-ə bankın İdarə Heyətinin sədri Fərid Axundov deyib.
"Hazırda törəmə bankın Gürcüstanda hüquqi şəxs qismində qeydiyyata alınma prosesi gedir, bundan sonra biz onun kapitalını qeydiyyata almağı planlaşdırırıq. Gələn həftə isə Milli Banka müraciət edəcəyik", - Axundov deyib.
O, törəmə bankın 2012-ci ilin sonunadək işə başlayacağına ümid etdiyini bildirib.
