...

Azərbaycan bankları iqtisadiyyatın real sektorunun kreditləşməsində fəallıqlarını artırmalıdırlar

Biznes və iqtisadiyyat xəbərləri Materials 12 Mart 2013 14:29 (UTC +04:00)
Azərbaycan Mərkəzi Bankı (AMB) ölkə iqtisadiyyatının real sektoruna birbaşa kreditlərin verilməsi zamanı bankların fəallığının artırılmasına təsir etməlidir.

Trend-i buradan izləyin


Azərbaycan, Bakı, 12 mart / Trend, müxbir A. Axundov/

Azərbaycan Mərkəzi Bankı (AMB) ölkə iqtisadiyyatının real sektoruna birbaşa kreditlərin verilməsi zamanı bankların fəallığının artırılmasına təsir etməlidir.

Trend-in məlumatına görə, bunu çərşənbə axşamı Beynəlxalq Valyuta Fondunun (BVF) Yaxın Şərq və Mərkəzi Asiya üzrə departamentinin məsləhətçisi Raca Almarzuqi BVF missiyasının Bakıya səfərinin yekunları üzrə keçirilən mətbuat konfransında deyib.

"AMB istehlak kreditlərinin verilməsi sahəsində artan canlanmanın qarşısını almaq üzrə prudensial tədbirləri davam etdirməlidir. Bundan başqa, AMB real sektorun birbaşa kreditləşməsində müəyyən rol oynamalıdır", - Almarzuqi qeyd edib.

AMB-nin məlumatına görə, bankların ötən il ev təsərrüfatlarına verdiyi kreditlərin artım templəri korporativ sektorun kreditləşməsinin templərini təqribən iki dəfə üstələyib. 2012-ci ildə ev təsərrüfatlarına verilən kreditlərin həcmi 30,1 faiz artaraq 4 014,3 milyon manat təşkil edib.

BVF nümayəndəsinin fikrincə, iqtisadiyyatda tələbat nəticəsində yaradılan gərginliyin əlamətlərinin dərinləşəcəyi təqdirdə, yaxın gələcəkdə ölkənin pul siyasəti daha neytral mövqeyə keçməli, həmçinin gücləndirilməlidir.

"Daha çevik valyuta məzənnəsi uzunmüddətli perspektivdə ölkə iqtisadiyyatının şoklara qarşı davamlılığını artıracaq" , - Almarzuqi qeyd edib.

Məqalədə:
Xəbər lenti

Xəbər lenti