Azərbaycan, Bakı, 14 mart /Trend, müxbir A.Axundov/
"Paşa Bank" banklar tərəfindən layihələrin maliyyələşdirilməsini nizama salan çərçivələrin yüngülləşdirilməsi üçün Azərbaycan Mərkəzi Bankı ilə məsləhətləşmələr aparır. Trend-in məlumatına görə, bu barədə bankın İdarə Heyətinin sədri Fərid Axundov cümə axşamı təşkil olunan mətbuat konfransında bildirib.
"Bugünkü nizamlayıcı normalar layihələrin maliyyələşdirilməsi kimi maraqlı istiqamətlərin imkanlarından tam istifadə etməyə imkan vermir. Məsələn, 30-35 milyon manat prespektivi olan layihənin lap əvvəldən müəyyən girov təminatının mövcudluğu tələb olunur. Buna görədə biz layihələrin maliyyələşdirilməsi zamanı girov təminatının yeni formalarının axtarışı ilə bağlı Mərkəzi Bankla məsləhətləşmələr aparırıq", - Axundov bildirib.
Onun sözlərinə görə, bank artıq çörək və sement zavodları layihələrinin maliyyələşdirilməsində iştirak edir və gələcəkdə Gürcüstan filialı vasitəsilə bu fəaliyyət istiqamətini genişləndirmək niyyətindədir.
"Biz artıq bu istiqamətdə Gürcüstanın iri şirkətləri ilə işləməyə başlayırıq", - Axundov qeyd edib.
