Azərbaycan, Bakı, 23 mart /Trend, müxbir İ.Xəlilova
Azərbaycanda fəaliyyət göstərən sahibkarlar və işgüzar dairələr Rusiya Federasiyasının "Alabuqa" Xüsusi İqtisadi Zonasında kimya, cihazqayırma, yüngül sənaye, qida sənayesi, tikinti və digər sahələr üzrə investisiya layihələrinin həyata keçirilməsində iştiraka dəvət olunurlar. Trend-in məlumatına görə, bu barədə İqtisadi İnkişaf Nazirliyindən daxil olan məlumatda bildirilir.
"Alabuqa" xüsusi iqtisadi zonası 2006-cı ildə yaradılıb və sahibkarlara tam olaraq hazırlanmış sənaye, tikinti, nəqiliyyat və gömrük infasturukturu, həmçinin vergi və gömrük güzəştləri təqdim edir.
Məlumata görə, şirkətlər 10 il müddətinə torpaq, mülk və nəqiliyyat vergilərindən azad olunacaqlar. Vergi güzəştləri vergi bazasının yarandığı andan qüvvəyə minir.
"Alabuqa" ərazisindəki azad gömrük zonası sayəsində xarici avadanlıq, xammal, komplektləşdirici tikinti materiallarından gömrük vergiləri və ƏDV tutulmur.
Bir hektar torpaq ərazisinin icarəsi orta hesabla 1000 ABŞ dolları, onun birdəfəlik sahibkarlara satışı isə 3000 ABŞ dolları təşkil edir.
Əlavə məlumat üçün:
www.alabuga.ru
[email protected]
Telefon: +7 (85557) 5-90-30
