Azərbaycan, Bakı, 25 iyun /Trend, müxbir E.Əliyev /
Azərbaycanda İxracın və İnvestisiyaların Təşviqi Fondu (AZPROMO) təşkilatçılığı ilə AZPROMO-nun ABŞ-dakı nümayəndəsi tərəfindən Azərbaycanda fəaliyyət göstərən və ixrac potensiallı məhsul istehal edən şirkətlər üçün təqdimat keçiriləcəkdir.
AZPROMO-nun çərşənbə axşamı yaydığı məlumatda bildirilir ki, Bakıda keçiriləcək təqdimat zamanı Azərbaycan istehsalı olan rəqabətqabiliyyətli məhsulların ABŞ bazarına ixracı zamanı tələb olunan sənədlər, ixrac prosedurları haqqında məlumat veriləcək və iştirakçıları maraqlandıran suallar ətrafında müzakirələr aparılacaqdır.