...

"Paşa Bank" Azərbaycanda ilk IPO-nun keçirilməsində vasitəçi olacaq

Biznes və iqtisadiyyat xəbərləri Materials 9 Sentyabr 2013 14:56 (UTC +04:00)

Azərbaycan, Bakı, 9 sentyabr/Trend, müxbir A. Axundov/

"Paşa Bank" ölkədə ilk IPO-nun keçirilməsi zamanı vasitəçi qismində çıxış edəcək. Bu barədə bazar ertəsi Trend-ə bankın İdarə Heyətinin sədri Fərid Axundov deyib.

Onun sözlərinə görə, bu məqsədlə bankın daxilində müştərilərin və mütəxəssislərin hazırlanması həyata keçirilir.

F. Axundov qeyd edib ki, IPO-nun köməyilə öz səhmlərinin satışını həyata keçirməyə başlayan şirkət korporativ idarəetmə, maliyyə hesabatlılığı baxımından buna hazır olmalıdır: "Bundan başqa, bazarın özü də hazırlıq vəziyyətinə gətirilməlidir. Düzgün bölüşdürmə halında ilin sonunadək bir IPO, gələn il isə ən azı birini keçirməyə nail olacağıq".

Adı çəkilməyən şirkət Azərbaycanda orta biznesin kiçik nümayəndəsidir. Şirkət səhmlərinin 20 faizini daxili bazarda yerləşdirmək istəyir. Şirkətin bu əməliyyatdan əldə edəcəyi gəlirlərə gəlincə, o deyib ki, söhbət bir neçə milyon manatdan gedir.

Onun sözlərinə görə, öz vəsaitlərini yerləşdirmək istəyən insanlar üçün gəlir mənbələri getdikcə azalır: "Yeganə mənbə bank depozitləridir ki, onlar da ildə təqribən 10 faiz gəlir gətirir. Şirkətin səhmləri potensial olaraq gəlir verə bilər. Əlbəttə ki, bu, müəyyən risklərlə müşahidə edilir, lakin bu riskləri yumşaldan amillər də var".

Məqalədə:
Xəbər lenti

Xəbər lenti