Azərbaycan, Bakı, 30 avqust /Trend, müxbir İlahə Məmmədli/
2014-cü ilin sonuna kimi Azərbaycanın sığorta bazarında artım tempinin azalmasının davam edəcəyi gözlənilir. Sığorta üzrə ekspert Xəyal Məmmədxanlı belə hesab edir.
X.Məmmədxanlının sözlərinə görə, bir neçə il əvvəl olduğu kimi, sığorta bazarı birtərəfli inkişaf edir və əsasən avtomobil sığortasına və icbari sığortanın bəzi növlərinə cəmlənib: "Sığortanın icbari növlərinin kifayət qədər yaxşı inkişaf etmədiyi narahatlıq doğurur. Nümunələrdən biri sərnişinlərin icbari sığortasıdır. Bu sığorta üzrə ilin əvvəlindən heç bir ödəniş edilməyib ki, bu da yol qəzaları faktlarının artması nəzərə alınarsa, inanılmazdır".
Onun fikrincə, bazarın zəifləməsinin əsas səbəbi avtomobil kreditlərinin verilməsi qaydalarının sərtləşdirilməsi, aprelin 1-dən Avro-4 ekoloji standartına keçidlə əlaqədar nəqliyyat vasitələrinin idxalı həcminin azalması, eləcə də texniki baxışdan keçmənin müddətinin dəyişdirilməsidir.
X.Məmmədxanlı hesab edir ki, bu amillərin hamısı sığorta bazarını zəiflədib.
Bazarda sığortanın könüllü növlərinin inkişafı üçün məhsulların o qədər də geniş olmayan çeşidləri, yeni sığorta xidmətləri təklif olunmur, eləcə də müştərilərlə iş, sığorta hadisələri ilə bağlı ödənişlərin alınmasında problemlər və s. mövcuddur. Ekspert hesab edir ki, bu amillər bazarın inkişafının ümumi sürətinə təsir edir.
Onun fikrincə, sığorta şirkətləri insanların sığorta xidmətlərini könüllü şəkildə almasına çalışmalıdırlar ki, bu da təbliğat və müvafiq sığorta xidmətlərinin göstərilməsi ilə mümkündür.
Son illərdə Azərbaycanda sığorta bazarında artım tətbiqi 2015-ci ildə gözlənilən icbari tibbi sığortanın hesabına mümkündür. Sığortanın bu növünün tətbiqi üçün ilk növbədə sığorta şəhadətnaməsi üçün uyğun olan ödəməni müəyyən etmək, infrastrukturu hazırlamaq, bu sistemə bütün sığorta şirkətlərinin qoşulmasını təmin etmək, bütün tibb müəssisələrində təlimlərin keçirilməsi, pasiyentlərin vahid reyestrini yaratmaq lazımdır.
X.Məmmədxanlı bildirib ki, bazarda bu növün hesabına ciddi artım gözləmək olar.
Ekspretin sözlərinə görə, ölkədə kənd təsərrüfatı məhsullarının istehsalçılarına dotasiyaların, güzəştli kreditlərin və başqa maliyyə resurslarının verilməsi qaydasında dəyişikliklər edilməsi ilə bazarın inkişafına impuls verilə bilər ki, bu da kənd təsərrüfatı sığortasının inkişafında yeni mərhələ ola bilər.
Sığorta bazarının sonrakı artımı, həmçinin həyat sığortasının hesabına təmin ediləcək.
O, qeyd edib: "Ölkədə həyat sığortasına maraq ciddi artıb, çünki bir xeyli insan ondan investisiya aləti kimi istifadə edir. Bu gün həyat sığortasına yatırılan vəsaitlər gəliri özündə saxlayan və fəaliyyətin bu növünün sosial paketin tərkib hissəsinə çevrildiyi şirkətlərin vergi bazasını azaltmağa icazə verir".
Hazırda uyğun nəzarət mexanizmi yaradılıb və tədricən bu bazarın ən böyük artımını gözləmək olar. Əmək və Əhalinin Sosial Müdafiəsi Nazirliyi tərəfindən ciddi iş aparılır və əmək müqavilələrinin bağlanması və iş yerində işçilərin rəsmiləşdirilməsi üzərində nəzarətin gücləndirilməsi nəticəsində şirkətlər onları sığorta etməyə məcbur ediliblər. Bunun hesabına həm həyat sığortası şirkətləri, həm də bütün bazarın artımı təmin ediləcək.