...

"PASHA Bank Georgia"nın aktivləri il ərzində üç dəfədən çox artıb

Biznes və iqtisadiyyat xəbərləri Materials 4 Noyabr 2014 11:07

Trend-i buradan izləyin

Azərbaycan, Bakı, 4 noyabr /Trend, müxbir Azad Həsənli /

"PASHA Bank Georgia" ASC-nin ("PASHA Bank"ın törəmə strukturu) aktivləri cari ilin üçüncü rübündə 132,04 milyon lari təşkil edib. Bu barədə çərşənbə axşamı Trend-ə Gürcüstan Milli Bankından bildiriblər.

Milli Bankdan ASC-nin aktivlərinin il ərzində üç dəfədən çox artdığını bildiriblər: ötən ilin üçüncü rübünün sonunda bu göstərici 35,83 milyon lari təşkil etmişdi. Bankın aktivlərinin 74 faizi milli valyutada, yerdə qalan hissəsi isə (34,24 milyon lari) SKV-də yerləşdirilib. Pul vəsaitlərində və onların ekvivalentlərində 538,42 min lari toplanıb ki, bu da ötən ilin analoji dövrünün göstəricisini 3,4 faiz üstələyir.

Hesabat dövründə bankın kredit portfeli 40,33 milyon lari təşkil edib. Bankın verdiyi kreditlərin 32,75 faizini milli valyutada istiqrazlar (13,2 milyon lari), SKV-də isə 27,1 milyon lariyə ekvivalent məbləğdə kredit verilib.

Hesabat dövrünün yekunları üzrə bankın məcmu öhdəlikləri 39,88 milyon lari olub. Passivlərin strukturunda bankın cari hesablarda yerləşdirilən vəsaitləri il ərzində 16 dəfə artıb və 0,88 milyon lari təşkil edib.

2014-cü il sentyabrın sonuna olan rəqəmlərə görə, "PASHA Bank Georgia"nin nizamnamə kapitalı il ərzində təxminən 3 dəfə artaraq 103 milyon lari olub. Bankın nizamnamə kapitalı il ərzində 2,8 dəfə artaraq 92,16 milyon lari (bölüşdürülməmiş 10,84 milyon lari zərər daxil olmaqla) təşkil edib. Müqayisə üçün: 2013-cü ilin üçüncü rübündə bu göstərici 33,26 milyon lari olmuşdu.

Üçüncü rübün yekunları üzrə "PASHA Bank Georgia"nin xalis mənfəəti 5,21 milyon lari təşkil edib ki, bu da ötən ilin analoji dövrünün göstəricisini 4 dəfədən çox (1,211 min lari) üstələyib.

Bank üçüncü rübü 7,95 milyon lari həcmində xalis zərərlə başa vurub.

"PASHA Bank Georgia" 2013-cü ilin fevralından fəaliyyət göstərir.

Məqalədə:
Xəbər lenti

Xəbər lenti