İyulda Azərbaycanda pul kütləsinin həcmi 4,7% artıb, 2005-ci il ərzində isə bu artım 18% təşkil edib. Azərbaycan Milli Bankından Trend ə bildirildiyi kimi, avqustun 1-nə pul kütləsinin həcmi (M2) 4033,4 mlrd manat olub. 2005-ci il iyulun 1-nə bu göstərici 3851,3 mlrd manat, yanvarın 1-nə isə 3418 mlrd manata bərabər olub.
İyulda nağd vəsaitlərin (M0) həcmi 5,3% artıb, il ərzində artım isə 17,86% olub. Avqustun 1-nə M0 göstəricisi 2815,7 mlrd manata bərabər olub. Bu göstərici iyulun 1-nə 2673,6 mlrd manat, yanvarın 1-nə isə 2389 mlrd manat təşkil edib.
İyulda nağd olmayan vəsaitlərin həcmi 3,4% artıb, cari il ərzində bu artım 18,34% təşkil edib. Avqustun 1-nə bu vəsaitlərin həcmi 1217,7 mlrd manat olub. 2005-ci il yanvarın 1-nə bu göstərici 1029 mlrd manat, iyulun 1-nə isə 1177,7 mlrd manat təşkil edib.
