Okytabrın 13-15-də Bakıda bank sektoru üzrə beynəlxalq konfrans keçiriləcək. Bu barədə Trend ə azərbaycan-türk iş adamları birliyinin (ATİB) ictimaiyyətlə əlaqələr və iqtisadi araşdırmalar proqramının əlaqələndiricisi Səməd Nəsibov məlumat verib.
Onun sözlərinə görə, tədbirdə Azərbaycan Milli Bankı və Türkiyənin Mərkəzi bankının rəhbərliyi, beynəlxalq maliyyə təşkilatları, Dünya bankı, BVF, AYİB nümayəndələri iştirak edəcəklər.
"Tədbirin keçirilməsində əsas məqsəd Azərbaycanda bank sektorunun inkişafının müzakirəsi və beynəlxalq təcrübənin tətbiq olunma yollarının araşdırılmasıdır", - deyə S.Nəsibov qeyd edib.