Oktyabrın 6-7-də Bakıda "Excelsior" otelində Avrasiya regionunda fəaliyyət göstərən türk iş adamları birlikləri sədrlərinin növbəti toplantısı keçiriləcək.
Bu barədə Trend xəbər agentliyinə müsahibəsində toplantının təşkilatçılarından biri olan Azərbaycan-Türkiyə İş Adamları Birliyi idarə heyətinin sədri Ahmet Erentok bildirib.
Onun sözlərinə görə, iyunun 24-də keçirilməsi nəzərdə tutulan tədbir bir sıra səbəblərdən müəyyən müddətə təxirə salınmışdı.
Bu görüşdə region ölkələri arasında iqtisadi-ticarət əlaqələrinin mövcud vəziyyəti, bu ölkələrdə fəaliyyət göstərən türk iş adamlarının gələcək planları, fəaliyyət göstərən birliklər arasında əməkdaşlığın genişləndirilməsi, "Avrasiya" iqtisadi birliyi və "Avrasiya İş Adamları Konfederasiyası"nın yaradılması və s. məsələlər barədə müzakirələrin aparılması nəzərdə tutulur.
...