Azərbaycan hökuməti və Asiya İnkişaf Bankı arasında "Kənd təsərrüfatı və mikromaliyyələşdirmənin inkişafı" layihəsi üzrə müzakirələr davam etdiriləcək. Bu barədə Trend ə hökumətdən bildirilib. Ötən həftə bankın maliyyə və ticarət şöbəsinin direktoru Noy Sickachianın rəhbərlik etdiyi
missiya başa çatıb. Missiya ilə layihəyə yenidən baxılması məsələsi müzakirə olunub.
AİB ölkə regionlarında kommersiya banklarının institusional inkişafı komponenti ləğv edilməklə, o cümlədən məsləhətçilərə xərclər azaldılmaqla kredit komponentini genişləndirməyə razılıq verir. Komponentlərin sayı azaldıqda isə layihənin reallaşdırılması qrupunun xərcləri, həmçinin, nəqliyyat xərcləri də azalmalıdır.
AİB $25 mln və $100 mln məbləğində ayıracağı kreditin həcmini artıracaq. Birinci tranş $25 mln həcmində olacaq. 2-3 il ərzində onların uğurlu istiqamətləndiriləcəyi təqdirdə ikinci və üçüncü tranş vasitəsilə yerdə qalan kredit vəsaiti ayrılacaq.