Gəncə aeroportunun yenidən qurulması və müasirləşdiriməsi bu ilin mayında başa çatacaq. Bu barədə Trend ə Azərbaycan Nəqliyyat Nazirliyinin AZAL Dövlət Konsernindən məlumat verilib.
Bu layihənin dəyəri $39,5 mln-a yaxındır. O, dövlət büdcəsinin və AZAL-ın şəxsi vəsaiti hesabına həyata keçirilir. Aeroportda uçuş zolağı uzadılacaq, hava hərəkətinin idarəedilməsinin köhnəlmiş sistemi yenisi ilə əvəz ediləcək və aerovağzal kompleksi yenidən qurulacaq.
Gələcəkdə Lənkəran, Zaqatala və Şəki aeroportlarında da yenidənqurma işləri həyata keçiriləcək. Bu layihələr üçün vəsaitlər dövlət büdcəsindən və AZAL DK-nin öz şəxsi vəsaitindən ayrılacaq. Bu ilin sonuna kimi Lənkəran, bundan sonra isə Zaqatala aeroportunda bərpa işlərinə başlanılacaq. Gələcəkdə Şəki aeroportunda da analoji işlər həyata keçiriləcək.
Dövlət Konserni artıq Naxçıvan aeroportunda yenidənqurma işlərini həyata keçirib.